Педагог қызметкерлерді Сынамалы режимде аттестаттау туралы

28 қыркүйек 2026 жылы «Ж. Қизатов атындағы жоғары ауылшаруашылық колледжі» КМҚК методисі Е.А. Ионова педагог қызметкерлерді аттестаттау туралы Сынамалы режимде әңгіме өткізді. Методист Ұстаз платформасындағы Педагогтің цифрлық профиліне әртүрлі біліктілік санаттары үшін міндетті болып табылатын және кіруі тиіс критерийлерді егжей-тегжейлі түсіндірді. Буллингтің алдын алу бойынша біліктілікті арттыру курстарын бар болған жағдайда ұсынуға болатынын, бірақ қазіргі жағдайда мұндай курстардың қажет екендігіне көптеген оқытушылар келіскенін атап өтті.

Аттестатталушылардың Сынамалы жоба бойынша сабақтан тыс іс-шараларды өткізуге қатысты көптеген сұрақтары туындады. Білім басқармасы мен «Өрлеу» әдістемелік орталығының бірлескен онлайн-конференциясында түсіндірілгендей, бұл іс-шаралар міндетті түрде колледж жұмыс жоспарларында көрсетілуі және «Адал азамат» бірыңғай тәрбиелік бағдарламасының құндылықтарын, оның ішінде «Таза Қазақстан» және «Заң мен тәртіп» бастамаларын жүзеге асыруға бағытталуы тиіс.

Кездесу соңында Сынамалы режимдегі аттестаттау педагогикалық ұжымнан жоғары цифрлық сауаттылық пен портфолионы қалыптастырудағы жүйелілікті талап ететіні атап өтілді. Өткізілген әңгіме негізгі ұйымдастырушылық сұрақтарды шешуге, «Ұстаз» платформасын толтыру кезіндегі қателіктер тәуекелін азайтуға және алдағы аттестаттау кезеңіндегі оқытушылардың жұмысының нақты бағытын анықтауға мүмкіндік берді.